رسمت لوحه من الواقع مهي من خيال
|
يالله عسى اللي رسمته ما يجيه الخلل
|
احاول اني بوصلها لحد الكمال
|
لون مافيه وجها غير ربي كمل
|
ودحمت في منكبي عنها زحول الرجال
|
ونقلت حملا تحملته سوات الجمل
|
فيها وقار الشيوخ بقمة الاعتدال
|
وفيها صدوق المشاعر وبتسامة طفل
|
وصفت فيها تبوك للي زهت بالجمال
|
لو التعب في مجال اللي عشقته عسل
|
وصفا لبدرا كمل من عقب ماهو هلال
|
نسيج نوره على وجه البسيطه نزل
|
ما كنها الا العروس اللي زهاها الدلال
|
تزينت ليلة الفرحه بطيب وحلل
|
خمسة عشر شاعرا لف الرشاء للمحال
|
اللي ذلوله جهدها متردا وصل
|
حي الله اللي يبي يصطاف برض الشمال
|
نستقبله بالكرم والطيب لنه وصل
|
بسم فهد راعي النخوه كريم السبال
|
غيثا يغيث البلاد اللي من اول محل
|
تعال ابعطيك موجز يوم جالي مجال
|
بيوت شعرا حسبناها سوات الهلل
|
تبوك وجهه سياحية بكل المجال
|
الخير فيها سحابا من سماه انهمل
|
ان كنت عاشق بحر شوف البحر من خلال
|
املج والا ضباء والوجه والا حقل
|
نشوة نسيم البحر ومصافحته الرمال
|
عليل نسم الهوى يبري جميع العلل
|
وان كنت عاشق نسيم البر شوف الجبال
|
ما ضاق صدرك ليا عديت بأعلا جبل
|
مرابع اهل الكرم والطيب واهل الدلال
|
مكرمين الغريب اللي عليهم نزل
|
وان جيت وسط البلد كل البلد بكتمال
|
حدايق الورد واشجار النخل والفلل
|
وان كنت تبغى القراح المستفيض الزلال
|
هداج تيماء مع اهل العرف مظرب مثل
|
فيها شواهد من احداث الزمن والليال
|
حلت دول في مسيرتها وراحت دول
|
وش قال عنها الرسول المصطفى يوم قال
|
اليوم كل الحديث اللي نطق به حصل
|
شعر صالح محسن مرشود الجهني
ليست هناك تعليقات:
إرسال تعليق