قالوا مقيم

قالوا مقيم وقلـت لله  مسافــــــــر

عابر سبيل من أول العمر  لتـــلاه

يقرب وصولي يوم أمر  المقابــر

والتذكر اللي بالمقابـر  دفنــــــــاه

لا تنشدوني تستفـز المشاعــــــر

هل نعتبر بالمصحف اللي قرينــاه

وش عذرنا يامعتليـن المنابــــــر

وش عذرنـا لله والأمـــــــــــر  لله

حنـا بدنيـا كلبوهـا  مفاخـــــــــر

واليوم الأخر كن حنـا نسينــــــاه

تبرق لنا الدنيا بحلو  المظاهـــر

اللي يبي له مال واللي يبا الجـاه

من حكمة الله فيه مؤمن  وكافـر

واللي يدور له على درب يلقــــاه

حدوا لنا العدوان حدب الخناجـر

وحنا نطري للسيـف المحنــــــاه

هذاك يوم الكون بالدين  عامـــر

يوم النبي المصطفى حي طريـاه

مافيه دبابه ولاشـي  عساكـــــر

اللي معه حمزه وطلحه وشـرواه

واليوم لجت بالصياح الحناجــر

نشجب ونستنكر على غير معناه                          شعر صالح محسن مرشود العروي الجهني