قلب ذيب

يالله اللي مايخيـب رجـاء عبـدا دعــــــاه

من عذابك في جنابـك نلـوذ ونستجيـــــــــــر

ياألهي يوم لانت لطاعتك الجبـــــــــــــاه

السعد في جنتك ولشقا في زمهريــــــــــــر

عقبها سجلت ويش استفدت من  الحيــاه

عـل فيهـا فأيده للكبيـر  ولصغـيــــــــــــــــر

ماسكن بيت المعـزه يكـود اللـي بنــــــــاه

مثل ماكر صقر ما يستوي بـه كـل  طيــــــر

وادري إن المال والجـاه لذة  بالحيــــــاه

لاكن إن الموت واحـد غنـي وإلا فقيـــــــــر

أنت عايش بأرض ربك ورزقك في سمـاه

عز نفسك لا تدانت على وجـه  الحقيـــــــــر

واعرف ان الذيب لو كان قلبه قلب شــاه

كان يمكن صار بطنه مثل بطـن البعيـــــــــر

لاكن ان الذيب يتعب على لقمـت عشــــاه

عارفا سبرة عشا الليل من صفرة أعصيــــر

والبحر لو جاه ضميان ما يقطـع  ضمـــاه

مثل من يارد على الجم بالحبل  القصيـــــــر

كان تبغى لك هدف حدده بأي اتجــــــــــاه

لا تلفت بالمسافة و لو طــــال المسيــــــــــر

من نو يرقا العلا ما تلـفــــــت وش وراه

ما يمل من المواصل ولو دربه عسيـــــــــــر

الجبل لو كل من هاز مطلاعه رقـــــــــــاة

كان وصلو قمتة والعمى قبل البصيــــــــــــر

اثبت الله لا يهينك مثل ضلع الســــــــــراه

لا تزعزعك الزوابع ويزعجك الصقيـــــــر

يفرح المسكين لا صار في كم العبــــــــاه

وينبسط مثل الصغير اليا شاف العصيــــــر شعر صالح محسن مرشود العروي الجهني