مسابقة شاعر تبوك (1)

توكلنا على رب العباد الواحد القيوم

ولا خاب الرجاء باللي قصدنا للفرج  بابـــه

وصلاة الله على من وقف بجيشه هنا لروم

سنة تسعه من الهجرة وقف فيها مع أصحابه

قضى فيها شهر يقصر صلاته وتحرى القوم

عليه أزكا صلاة الله وما سنه مشينا به

وهنا حدث رسول الله معاذ بقوله المعصوم

بما معنا الحديث إن عشت شفت أجنان خلابه

وتوالن الليالي ونطون طوي الرشا المبروم

يجون أجيال عقب  أجيال والأيام غلابه

احد يرقد قرير العين واحدا ما يذوق النوم

وغدت شبه الجزيرة بين حرابه ونهابه

يالين الله رحمنا وانتشلها الفارس الزيزوم

مثل ما ينشل السباح غرقانا تعزوابه

وأخذنا للصواب أنسير لا ظالم ولا مظلوم

وسار ابنا على الدرب الصحيح اللي مشينا به

خذاه بالسيوف الجرد ما جاته بحب اخشوم

شجاع إن ما تعشا بالذيابة ما تعشابه

ورحل عنا عساه بجنة اللي خالقه مرحوم

ولا زلنا على نهج الطريق اللي رضينا به

نقول ولا نقول إلا الصحيح الواضح المفهوم

وأنا لقالوا أهل الصدق قول الصدق نرضابه

على البحر الحمر دره ثمينة ما تجي بالسوم

بيمنى فهد بن سلطان يزهاها وتزهابه

على باب الشمال اللي عن أيدين العبث محكوم

هنا السور العظيم عن البرد انتذرابه

رحوم بماقف الرحمة سياسيا قوي اعزوم

نفاخربه ونهديه القصيد وكل ترحابه

توالن منجزاته واكتمل في عقدها المنظوم

الا يامجمل العقد الثمين اللي تحلابه

عهدناها تبوك من أمس وش صارت تبوك اليوم

تباها في ثياب العز للنظار جذابه

هنا نفح الشمال اللي يفوح بريحة اليشموم

هنا صوت البحر لا قامت النسمة تغنابه

هنا تبقى سواد العين لا جت للعلوم أعلوم

مثل مقالها اللي يبكي التاريخ لغيابه

فيا رباه شكرا ياعسى فظلك علينا دوم

لك المنه عدد من طاف في بيتك  و لبابه شعر صالح محسن مرشود العروي الجهني