ياوجودي يالسناني يوم مريـت اضحويـه
|
وجد من ضيع ذلوله بالطريق ومـا لقاهـا
|
فوقها شربه وزاده واختلف موعـد خويـه
|
والذيابـه يـوم تـلا ليلهـا لجـة عواهـا
|
انطعنـا يالسنانـي بالحشـا طعنـه قويـه
|
خوف قلبي لو تجيه اللي بعدهـا ماقواهـا
|
الصواب اللي بقلبي رمح من عين أبدويـه
|
كنها متخصصة وطعونهـا يصعـب دواهـا
|
صادفتني بالطريق وقالت اسمح لي شويـه
|
قلت سمي وأختها اللي دونها تمشي وراهـا
|
قمت الحلل في ضميري وأتحسس وش نويه
|
يمكن إن القلب يلهم بالنوايا اللـي نواهـا
|
والحقيقة طار قلبـي ماسمعـت إلا دويـه
|
كل ما لديت فيها قربت لـي فـي خطاهـا
|
قالت اسمع من كلامي كلمتينا فـي رويـه
|
أنت شاعر والمشاعر من يبي يلحق هواها
|
ثم قفـت والنوايـا يمهـا ماهـي سويـه
|
يا عسا ها لو تعود يا عساها يـا عساهـا
|
ليتني يا أبو بدر عـارف ديـاره والهويـه
كنها نجمة تعلت واختفت واظلم سماهـــا
شعر صالح محسن مرشود العروي الجهني
|
ليست هناك تعليقات:
إرسال تعليق