السوق السعودي

وافلوسي ضيعوها داخل السـوق  السعـودي

مثل من إن القدس ضاعت عند شارون اليهودي

والعرب ستيـن عـام يحاولـون ولا تعـودي

مالنا ألا نعتزي بالصبـر والمشكـى علـى الله

لـي ثمـان أسنيـن اجمعهـا ومحرمهـا عيالـي

قلت التاجـر بالزراعيـة والدبـل رأس مالـي

شرهتني للمكاسـب واستديـري يـا ليالـي

مالنا ألا نعتزي بالصبـر والمشكـى علـى الله

ليتني بانـي بهـا مسجـد لوجـه الله تعالـى

ولا عرفنا سوق الأسهم ليت ما جالـه مجالـي

كل ما يقفل بنسبـه قامـت أهمومـي توالـى

مالنا ألا نعتزي بالصبـر والمشكـى علـى الله

كنت اخطط واشتر يلي جيب وابني لي عمـاره

ما دريت إلا المرور يقول قاطع  كـم  أشـاره

والنتيجة من خسارة في خسارة فـي خسـاره

مالنا ألا تعتزي بالصبـر والمشكـى علـى الله

افتح الجوال والقا فيـه كـوم مـن الرسايـل

الخبير يقول عجل لا يفوتـك  سهـم  حايـل

وإصبر أسبوعين يارجـال وتشـوف الدلايـل

وتنضرنا زى ما أنه قال والمشكـى  علـى  الله

وتنظرنا وتزعجنـا قـال مـال الهـم داعـي

بيعها بأقـل قيمـه والحـق النقـل الجماعـي

وكان باقي شي منها خلهـا حـول  المراعـي

قلت رايك ياخبير السوق المشكـى علـى  الله

أول المشوار كنت اجمـع  كـروت  الجماعـه

واكتتب فيها واكتتب فيها وانا عندي من المال الستطاـه

واخر المشوار كرتي عند بنقالي بضاعه

يكتتب لي فيه نص بنص والمشكى على الله                                          شعر صالح محسن مرشود العروي